主页 > D真生活 >平过「无印良品」! 韩国清新简约家品「 JAJU 」 >

平过「无印良品」! 韩国清新简约家品「 JAJU 」

D真生活 来源:http://www.tyc2005.com 发布时间:2020-07-08

每次行无印良品,总令人流连忘返,点都会买返啲嘢走,那怕笔袋已经差唔多储齐成set「无印笔」、已差唔多试匀哂所有零食、同一件家具摆设睇过几十次……无他嘅,大家都难以抗拒其散发出既简约又有质感嘅购物环境同产品设计。之不过,简约风并唔係只有无印良品独享嘅!韩国家品品牌 JAJU 同样散出自然、朴实嘅气息,大卖生活态度,吸引韩妹们不自控地「败家」,重要嘅係,价钱比无印良品稍低,亦有专属cafe,下次去首尔买衫买到麻目时,不妨去呢道发掘新嘅购物乐吧!

JAJU 激似无印!Minimal店面设计

大家有无觉得JAJU好熟口熟面呢?唔单止因为貌似无印良品,佢仲因为早年于超市特卖场内默默起家,受到注目后即跳出超市,喺2014年9月更开咗栋四层高嘅旗舰店,宜家喺韩国己经有好多分店。而店面设计以自然木感作主题,整洁舒适,喺呢个充满质感嘅环境加上五花八门嘅产品种类,我谂,真係会不知不觉行足两个钟。

平过「无印良品」! 韩国清新简约家品「 JAJU 」
店面主要以自然木感为主。(官方图片)
平过「无印良品」! 韩国清新简约家品「 JAJU 」
第一眼真係以为个牌写住「MUJI」(无印良品)!(官方图片)
平过「无印良品」! 韩国清新简约家品「 JAJU 」
未入店前就已经眼花撩乱,唔知应该睇边个种类先!(官方图片)
平过「无印良品」! 韩国清新简约家品「 JAJU 」
整齐嘅布置令人想每样都拎上手睇!(官方图片)
平过「无印良品」! 韩国清新简约家品「 JAJU 」
一逢节日JAJU亦会推出限定产品同摆设,今年嘅情人节就以无限嘅爱心主题!
重点产品推介!

其产品种类以「海量」嚟形容真係绝不过份!话明係家品店,家居摆设、食具、厨房同浴室用品就唔少得㗎啦,而讲得话似无印良品,就当然要连美容产品、自家设计服饰都要有齐啦,而另外更特设小童专区,一家大细嚟行都无问题!咁多产品,一次过喺官网睇哂就难啲嘅,一于等记者为大家推介重点产品啦~

食具:

佢嘅食具设计比无印良品多元化,当中推力简约风必备嘅木质素材,以及特式玻璃製品!另外,受到记者注目嘅仲有《来自星星的你》都教授常用嘅金餐具设计~当然价钱方面亦各有高低!

平过「无印良品」! 韩国清新简约家品「 JAJU 」
木质素材餐具充满质感! 上:木碗 8,000 Won(约HK$53);下:木碟 8,000 Won(约HK$53)、刀叉 8,000 Won/支(约HK$53)
平过「无印良品」! 韩国清新简约家品「 JAJU 」
玻璃樽身设计美观聪明,唔单止得个靓字,仲可以畀大家睇埋容量刻度!
平过「无印良品」! 韩国清新简约家品「 JAJU 」
三文治放入食物盒成日都会移嚟移去,搞到啲餸飞走哂,整个同方包fit size嘅食物盒就解决到喇~
平过「无印良品」! 韩国清新简约家品「 JAJU 」
金餐具出奇地无浮夸俗气嘅感觉,颜色抢眼特别!15,000 Won/支(HK$99)
平过「无印良品」! 韩国清新简约家品「 JAJU 」
连都教授都用金餐具,各位千颂依们,唔係唔跟呀嘛?
寝室用品:

每日我哋都花近一半嘅时间喺睡房内逗留,喺入面我哋需要一套舒适的床铺,床铺以单色或简单花纹为主,简单配衬已经似足韩式小套房,亦有单及双人床size可供选择。

平过「无印良品」! 韩国清新简约家品「 JAJU 」
单色床铺加简单花纹已非常有feel! 枕头 11,900 Won/个(约HK$78)、被 59,000 Won/张(约HK$388)(官方图片)
平过「无印良品」! 韩国清新简约家品「 JAJU 」
枕头有各种size同款式供人随意配衬。(官方图片)
平过「无印良品」! 韩国清新简约家品「 JAJU 」
女孩子房间配上小摆设加香薰油就完美喇!35,000 Won(约HK$230)(官方图片)
平过「无印良品」! 韩国清新简约家品「 JAJU 」
韩国网民以JAJU床铺令房间生色不少。
浴室用品:

一系列浴室用品设计可爱,更以环保为出发题作设计主题呢!

平过「无印良品」! 韩国清新简约家品「 JAJU 」
水滴系设计可爱,为浴室带来清新感。
平过「无印良品」! 韩国清新简约家品「 JAJU 」
沐浴用品亦有售,樽身字句呼吁大家「搽枧」时熄水,响应环保。
派对必备:

叫齐班friend 开Party,所有细节嘅装饰设计都有助提升气氛,呢道除咗喺唔同节日提供各种装饰外,更有提供各式派对用具。

平过「无印良品」! 韩国清新简约家品「 JAJU 」
爆谷杯 5,000 Won/12个、纸杯 2,500 Won/6个(官方图片)
平过「无印良品」! 韩国清新简约家品「 JAJU 」
要整回礼礼物?这里的包装亦唔失礼。纸袋 4,000 Won/10个(官方图片)
平过「无印良品」! 韩国清新简约家品「 JAJU 」
摆呢个玻璃饮品机出嚟实劲受朋友们欢迎!50,000 Won (约HK$329)(官方图片)
零食控必试 SNACK ON!

店入面更有零食买,好似有麵包脆脆、米饼同饼乾等等,包装似足MUJI咁简约。喺instagram会见到好多韩国人话好锺意呢d零食,而且仲大讚好好食!

平过「无印良品」! 韩国清新简约家品「 JAJU 」
麵包脆脆 1,500 Won/包 (约HK$10)
平过「无印良品」! 韩国清新简约家品「 JAJU 」
米饼 1,500 Won/包 (约HK$10)
西式 JAJU CAFE!

行旗舰店行足四层,行够几个锺,都咪话唔饿唔攰呀!无印良品就以日式食物为主,而JAJU虽为韩国本土品牌,但 CAFE 就非以韩菜为主,反而偏向西式食物,意粉、汉堡包、蛋包饭样样都齐,连甜品都非常吸引,喺韩国旅行都可以换吓口味~

平过「无印良品」! 韩国清新简约家品「 JAJU 」 平过「无印良品」! 韩国清新简约家品「 JAJU 」

 

JAJU新沙洞旗舰店

营业时间:10am-10pm

地址:首尔市江南区岛山大路路13街15

网页

 

热门内容
小编推荐